نقل الصحافي رشيد البلغيتي في تدوينة فيسبوكية حوار دار بينه وأحد الأصدقاء سأله بداية عن موقفه من سحب وزير التقافة مهدي بنسعيد لجائزة الكتاب بداك “الشكل المهين” من مثقفين مغاربة؟، فكان جوابه – شنو رأيك أنت في سحب  الحكومة “للما من الروبينيات ديال لمغاربة”؟.

وأضاف البلغيتي في تدوينته،” شوف أخاي، أخطر ما يتهدد المغرب ليوم هو أزمة الماء. ونتا ما حاسش بالخطورة لأنك لحدود الساعة “كتحل الروبيني كا ينزل لما وتعفط على النگاصة كا يشعل الضو” كما قال سعد الدين العثماني Saad dine El otmani، الله يذكرو بخير، اللي ملي فشل هو والحزب ديالو في تحقيق حد أدنى من الانعتاق للمغاربة اختازل حالة الاستقرار/الستاتيكو في جملة بسيطة وعميقة في آن هي “حل الروبيني ينزل لما”.

وزاد قائلا،”عدد كبير ديال الأحياء في مدن مغربية مختلفة غادي يحلو الروبيني الصيف الجاي وما غاديش ينزل لما!

وسجل المتحدث في حديثه، “عدد كبير ديال الأحياء في مدن مغربية مختلفة غادي يحلو الروبيني الصيف الجاي وما غاديش ينزل لما! الوكالات المكلفة بالتدبير والمكتب الوطني للماء غادي يشبعوك نشرات إخبارية وغادي ينشروك يومين حتى لثلث يام حدا السطولا في انتظار قطرة ماء.

وأبرز بأن “عدد ديال السواقي غادا تنشف ومناطق كثيرة غادي يحفرو ماليها لبيار حتى يطيبو وتحفى ليهم الصوندا وما غاديش يوصلو للما.

بعضين من اللي تسببو فهاد الكارثة كا يوصيو ليوما صحابهم يستثمرو فالأزمة. “سير شري 80 سيتيرنا واجي ندوز ليك مارشي پيبليك باش تدي لما للرحالة فالخلاء”.

غادي نبداو نشربو لما من البانيويات اللي بايتين فالطواليت حيث ONE قطع لما نهار السبت.

وأضاف “غادي نشربو لما من المطفية ومن السيتيرنا ديال لحديد لمصدية اللي فرقات لما على لبوادا فالدوار. لبوادا هازينهم البنيتات الصغار و الوليدات الحفيانين اللي ما مشاوش للمدرسة حيث السيتيرنا تعطلات. المقاول مخدم 3 و 7 رسلهم للشانطي ديال لبني والناس اللي مفروضة فيهم المراقبة ضاربين 20 فالمائة من المارشي. لا عين شافت لا قلب وجع!

وأكد البلغيتي، “غادي تبان عندنا أمراض جديدة مرتبطة بشح الماء وقلة نقائه. في عام 2019 ، كانت الأمراض المنقولة بالمياه هي السبب الثامن للوفاة في جميع أنحاء العالم.

وسجل المتحدث، 1.5 مليون شخص كاتموت بسباب لما كل عام. وبأن القضية ما فيهاش غير الامراض؛ الماء قد يكون أكبر مهدد للاستقرار الإجتماعي. الناس غادي نتافض، كيفما وقع في زاكورة، ملي يبان ليها فلاح كبير ضارب 700 مليون ديال الأرباح فالدلاح وهوما عطشانين فقراء أحلامهم تدروها الرياح.

امام هادشي كامل رئيس الحكومة Aziz Akhannouch – عزيز أخنوش ما عندوش هاجس ديال نذرة المياه. وتقدرو ترجعو للجواب ديالو ارتباطا بالموضوع فاش سولو Tourabi Abdellah في آخر ظهور للوزير قدام SNRT و 2M.

والى كنتي كا تقرا هاد التدوينة دابا ونتا حال الروبيني عافاك سدو راه داك لماء اللي ضيعتي نتا وشي وحدين هو اللي كان خاص خديجة (14 سنة) في الطواليط ديال اعدادية السد التأهلية… وهو سبابها حتى خرجات من المدرسة.

The post البلغيتي.. اقتربنا من يوم سيفتح فيه المغربي الصنبور “ومغديش ينزل الما” appeared first on فبراير.كوم | موقع مغربي إخباري شامل يتجدد على مدار الساعة.

Read More

التصنيفات: World

0 تعليق

اترك تعليقاً

عنصر نائب للصورة الرمزية (Avatar)

لن يتم نشر عنوان بريدك الإلكتروني.